Telefónica comprométese a llevar tol tendíu de fibra óptica al polígonu de Maqua primero que se produza l'apagón del cobre

Los abonaos a otres compañíes esperen qu'Adamo, contratada pol Ministeriu, faiga tamién esta transición

Videoconferencies o compres online, daqué tan común anguaño pa les empreses, sedría imposible pa les asitiaes nel Polígonu de Maqua, si Telefónica nun acaba a tiempu'l tendíu de fibra óptica. La compañía encamentára-yos que contrataren telefonía y internet vía satélite, una solución que nun respuende a les necesidaes de velocidá y comunicación de les empreses.

Cristina Magide ye xuna de les afectaes, yá que la so empresa, Escuela Bonsái Astur, amás d'impartir talleres, xube a redes el so trabayu y conocencies sobro bonsáis, cuando la conexón dexa.

Problemes similares tien Juan Carlos nel so trabayu de ciberseguridá en Capgemini.

L'espliegue de la fibra óptica nel conceyu ta faciéndose en base a dos proyectos. Unu del Ministeriu de Tresformamientu Dixital, el Plan d'Estensión de Banda Ancha, que lleva alantre la empresa Adamo; y l'otru, que ye'l Plan Únicu de Telefónica. Los vecinos de la parroquia de Llaviana punxéronse en contactu con Adamo, pero nun reciben respuesta.

Según l'alcalde de Gozón, en contactando con Telefónica, la compañía comprometióse a estender la fibra óptica a tol polígonu de Maqua y a los sos veceros primero qu'acabe esti trimestre.