Un estudiu de la Universidá d'Uviéu abre la puerta a nuevos tratamientos escontra l'aterosclerosis

Los accidentes cardiovasculares son la principal causa de muerte nel mundu

Investigadores de la Universidá d’Uviéu identificaron un nuevu mecanismu de l’aterosclerosis, un síndrome que consiste na acumulación anómala de célules y colesterol nes arteries, lo que pue causar trombos, infartos o ictus.

Con esti atopamientu, ábrese la puerta pa buscar tratamientos más eficaces.

Los accidentes cardiovasculares son la principal causa de muerte nel mundu. La Universidá d’Uviéu collaboró nesta investigación col Centru Nacional d’Investigaciones Cardiovasculares.