Les semeyes de comida que xubimos a internet revelen información sobro los nuesos intereses culturales y turísticos

El Centru d'Intelixencia Artificial de la Universidá d'Uviéu pon la so investigación a disposición de les empreses

Analizaron un millón de semeyes de 300.000 usuarios de Tripadvisor. Imáxenes, solo imáxenes de platos de comida que traducieron a númberos, miles d'ellos que falen de nós: del nuesu poder económicu y los nuesos gustos culturales y turísticos asegura Antonio Bahamonde, director del Centru d'Intelixencia Artificial de la Universidá d'Uviéu.

De forma que, por casu, a quien comió una fabada en Cangues d'Onís o una hamburguesa en Londres puean llega-y propuestes d'ociu qu'acierten más que les de Google.

Codificaron semeyes d'usuarios de Barcelona, Madrid, Nueva York, París, Londres y Xixón. La investigación allúgase nel ámbitu académicu pero ta a disposición de les empreses.