Ciencia empecipia l'estudiu d'adecuación del pozu San Jorge pa un centru de datos

La Conseyería plantega la infraestructura como'l primer pasu hacia una 'nube asturiana soberana'

El Principáu ta trabayando nel anteproyectu d'actuaciones nel pozu San Jorge (Ayer) de cara al entamu, el próximu añu, de les obres d'adecuación de los equipamientos esteriores del xacimientu pa la instalación d'un centru de datos.

Anguaño, ta axudicada la redacción del anteproyectu que va afitar les actuaciones necesaries nes infraestructures esteriores de l'antigua mina, concretamente na sala de máquina d'estracción, la sala d'embarque y el castillete.

La previsión ye llicitar la obra a primeros d'añu pa poder executala a lo llargo de 2025 y proceder al equipamientu de los inmuebles.

El director xeneral d'anovación, Investigación y Tresformamientu Dixital, Iván Aitor Lucas, avanzó esti miércoles que l'oxetivu ye qu'ente 2025 y 2026 puean instalase les primeres máquines.