Asturies mengua la fendidura de xéneru en ciencia en trabayu d'alta tecnoloxía

El Principáu, segunda comunidá autónoma con más muyeres empleaes nesti sector

Asturies ye una de les comunidaes con mayor porcentaxe de muyeres empleaes n’actividaes d’I+D o d’anovación, sobre manera nel ámbitu de les altes tecnoloxíes, y rexistra menor fendidura de xéneru nos niveles educativos superiores.

Estos son dalgunos de los datos del últimu informe de la Cátedra de l’Anovación n’Asturies (C_innovA), presentáu esta mañana por mor del Día Internacional de la Muyer y la Neña na Ciencia, nel que s’afita que’l Principáu “contribuye decisivamente a la formación de capital humanu femeninu destináu a la investigación”.

El conseyeru de Ciencia, Anovación y Universidá, Borja Sánchez, participó na xornada na que s’asoleyaron los principales conteníos del informe 'Mujer, innovación y ciencia en Asturias: una aproximación cuantitativa', fechu polos investigadoras de la Universidá d’Uviéu Elena Lasarte Navamuel, Lorena García Alonso, Ana Salomé García Muñiz y Tania Fernández García.