Webcams
Buscar
Diseñáu'l primer calendariu de convocatories d'I+D+i, dotáu con 31 millones añales
La propuesta inxerta 29 convocatories y dos premios empresariales
El Gobiernu d’Asturies presentó esti miércoles el primer calendariu de convocatories qu’axunta tolos programes de financiación autonómica venceyaos a la ciencia, l’anovación y el desendolcu empresarial, qu’inxerta una trentena d’ayudes, que sumen una inversión cercana a los 31 millones añales y céntrense en potenciar l’anovación empresarial, desendolcar nuevos proyectos d’investigación y impulsar l’atracción de talentu y la carrera científica.
El conseyeru de Ciencia, Empreses, Formación y Trabayu, Borja Sánchez, y el director de l’Axencia de Ciencia, Competitividá Empresarial y Anovación Sekuens, David González, dieron a conocer el cronograma coles feches orientatives nes que saldrán y resolverán les llinies d’ayudes.
La propuesta inxerta 29 convocatories y dos premios empresariales qu’abarquen per un llau medría, inversión y atracción empresarial amás de nuevu conocimientu, tresferencia y anovación, y convierte a Asturies na primer comunidá autónoma que despliega un calendariu añal de convocatories.
