El Manifiestu 'OFF' pide frenar l'usu indiscrimináu de la tecnoloxía

La evolución tecnolóxica ta provocando problemes de salú mental, sobre manera ente los más mozos

Más d'un centenar de persones, de distintos ámbitos, roblaron yá'l Manifiestu 'OFF' nel que se pide frenar l'usu indiscrimináu de la tecnoloxía. Un usu, qu'aseguren, ta provocando problemes de salú mental, sobre manera ente los más mozos.

El manifiestu propón una mayor regulación, con prohibiciones específiques como la d'aportar a la nuesa actividá neuronal. Plantega tamién que se garantice l'accesu a los servicios, especialmente públicos, al traviés de medios non dixitales; y pide una moratoria pa introducir la tecnoloxía nes escueles, pa que lo dixital nun llegue enantes de delles edaes.

Nel mesmu sen reclamen que l'usu de los dispositivos, tanto smartphones como tablets, s'adapte a les edaes de los usuarios.

Según esti manifiestu, la evolución tecnolóxica yá ta teniendo consecuencies negatives na sociedá. Esmolez sobre manera la perda de capacidá d'atención, sobre manera nos más mozos.

Nesti manifiestu tamién se sollerta sobre la vulneración de los datos personales pola meyora de la intelixencia artificial, los ciberataques o les campañes de desinformación nos procesos electorales. Riesgos, toos ellos, qu'afiten tienen d'atayase cola implicación de les alministraciones.