El Planetariu de la Escuela de Marina Civil va reabrir el próximu cursu
![El Planetario de la Escuela de Marina Civil reabrirá el próximo curso](https://www.rtpa.es/fotos//22/04/20220429125948_RTPA2063618.jpg)
La renovación del equipamientu ta presupuestáu en cuasi 60.000 euros
El Planetariu de la Escuela de Marina Civil va reabrir el próximu cursu, según pudo saber TPA Noticies. La renovación del so equipamientu, financiada pol Conceyu de Xixón, ta presupuestada en cuasi 60.000 euros.
Los estudiantes de Marina van cuntar con una tecnoloxía actual pa deprender los métodos tradicionales de navegación. L'arreglu del proyeutor yera costosu y dacuando imposible, y ye que delles pieces yá nun se fabriquen. Dende'l so orixe en 1989, tuvo abiertu a visites, pero estes paralizáronse fai 15 años.
El planetariu va ser sede del Institutu de Ciencies y Tecnoloxíes Espaciales d'Asturies (ICTEA). Javier de Cos, director del ICTEA, asegura que tener el planetariu ye una oportunidá.