El proyectu 'EMO-CHILD' va analizar la salú mental de los menores d'ente 8 y 16 años

Asturies va participar nel proyectu, que va tener como base los centros educativos

El proyectu 'EMO-CHILD' va analizar la salú mental de los menores d'ente 8 y 16 años en toa España. Asturies va participar nel proyectu, que va tener como base los centros educativos. Detrás ta la psicóloga Mireia Orgilés, qu'esta mañana foi entrevistada en TPA Noticies Matinal.

Ye un estudiu que se plantega a tres años vista porque quier faer un diagnósticu de la salú mental de los menores en toa España y ver tamién la evolución. Un análisis fondu que detecte amás factores de riesgu y que seya útil pa trazar estratexes d'ayuda.

Nun ye casual qu'esti estudiu se centre nos colexos y institutos, yá que ye ehí onde Mireia Orgilés considera que meyor se puen detectar los problemes.

Enantes de los 14 años empiecen la mayor parte de los problemes psicolóxicos. Por eso Mireia Orgilés considera urxente abordar un plan de salú mental coordinando a educadores, families, y profesionales sanitarios.