L'usu del móvil pa dir dormir pue influyir nun partu prematuru

Los malos vezos de sueñu, claves según un estudiu de la Universidá d'Uviéu

L'usu del móvil o otros dispositivos pela nueche, a la hora de dir dormir, pue influyir en sufrir un partu prematuru. Ye'l resultáu d'un primer estudiu de la Universidá d'Uviéu, qu'usó la intelixencia artificial pa siguir los casos de cuasi 400 muyeres atendíes nel HUCA.

Ye un factor hasta agora non evaluáu, pero l'estudiu de la Universidá d'Uviéu constató que la metá de les participantes tuvieron un partu prematuru.

Toes teníen de mancomún malos vezos de sueñu. Esto ye, amás d'otros factores yá conocíos, como l'índiz de masa corporal, a un partu prematuru pue contribuyir la lluz de los móviles, encendíos hasta la madrugada. La intelixencia artificial violo claro, los especialistes, tamién.

Yá saben, menos móvil, meyor calidá de vida.​