Entamen les escavaciones nun campamentu militar romanu que comparten Galicia y Asturies

L'asentamientu tien 10 hectárees y capacidá pa polo menos 5.000 soldaos

Dellos arqueólogos investiguen esta selmana un asentamientu militar romanu de 10 hectárees con capacidá pa polo menos de 5.000 soldaos.

Yeren sitios qu'estos exércitos convertíen en refuxu temporal pa descansar. La metá d'esi campamentu pertenez a Galicia y la otra metá a Asturies, concretamente al conceyu de Santalla d'Ozcos, onde hasta agora nun sabían de la so existencia.

La cata arqueolóxica que ta llevándose alantre trata de descubrir les defenses del campamentu. Con ello podrán algamar una reconstrucción en tres dimensiones, pero yá a simple vista ye posible detectar dalgunes partes.

Nun ye l'únicu campamentu d'estes característiques na fastera, a la vera, en La Garganta, hai otru bien asemeyáu.