España tien 923 especies d'abeyes

El Serida contribuye na creación d'una base de datos d'esta especie en La Península Ibérica

Cola collaboración d’un centenar d’investigadores, la base de datos d’abeyes de La Península Ibérica ye yá una realidá. Arranca con cuasi 90.000 rexistros pertenecientes a 923 especies, de les poco más de 1.000 qu’hai equí. Una compilación que va dende 1.830 hasta l’actualidá y na que Marcos Miñarro y el so equipu del Serida contribuyeron de forma bultable.

Una información que tamién dexará conocer la evolución de les poblaciones y de qué forma-yos afecten variables como’l cambéu climáticu.

Valdrá, por tanto, como puntu de partida pa conocer fondamente la situación del insectu pero, amás, pa reivindicar el so papel clave na polinización, una acción que lleven estudiando equí dende va cuasi una década.