Güesos en 3D p'ayudar na medicina

Una xornada técnica pa formar a especialistes de toa España impartir güei en Xixón

Tener güesos en 3D ye una ferramienta de gran utilidá pa los ciruxanos y sobre manera dexa una mayor precisión. Nel hospital de Cabueñes yá trabayen con esta tecnoloxía. Güei nuna xornada técnica en Xixón tán formándose especialistes de toa España pa conocer el so funcionamientu.

Fabricar una rótula o xenerar módelos óseos en 3D como vértebres implica una gran meyora al respective de les tradicionales radiografíes. De manera que dexa a los ciruxanos imitar lo que van faer na ciruxía porque tienen una conocencia mayor de l'anatomía del paciente que van tratar en concreto.

Ye una ventaya principal non solo pa los ciruxanos porque a ellos da-yos precisión, tamién pal paciente que se va sentir más seguru.

Nesta xornada tán aprendiendo a usar esta tecnoloxía. Traten munches quiebres o tratamientos de escoliosis o deformidá, polo que colos modelos yá en casa puen planiar meyor y nun fallar a la hora d'allugar los dispositivos.

La ciruxía ortopedica y traumatoloxía del futuru sigue dando pasos.