Inxeniería ensin fronteres entama un 'repair café' en Xixón
![Ingeniería sin fronteras organiza un 'repair café' en Gijón](https://www.rtpa.es/fotos//23/07/20230716200239_RTPA3756707.jpg)
Ye un alcuentru gratuitu pa enseñar a iguar oxetos estropiaos a los que dan una segunda vida
L'oxetivu de los 'repair café' ye inculcar la idea de que la primer opción nun seya tirar l'aparatu a la basura sinón intentar reparalu. Ye un eventu pa iguar oxetos, pero en conxuntu
y non de manera individual. Ye una iniciativa mundial que nació en Países Baxos, como espliquen
José Antonio Gallego y Carlos Teko, d'Inxeniería ensin fronteres.
Esti alcuentru celebráu en Xixón, ye'l númberu 20 d'Inxeniería ensin fronteres y estos
suelen tener llugar n'asociaciones de vecinos, como l'Asociación de Vecinos Santiago, de la que Pilar
García forma parte.
Anque los fabricantes nun lo ponen fácil, encamienten intentar siempres reparar. Nun ye fácil
porque n'ocasiones cuesta más la pieza que l'oxetu, pero nun se rinden, como-y socede a Vanesa
Izquierdo, vecina de Xixón.
Lo avezao ye atopar pequeños electrodomésticos, como batedores, tostadores o escanciadores
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL