La Eurocámara aprueba la primer Llei d'Intelixencia Artificial del mundu

L'equilibriu ente tecnoloxía y ética nel Congresu d'Inxeniería y Filosofía de Xixón

El Parlamentu Européu ratificó por mayoría absoluta la llei d'intelixencia artificial alcordada polos estaos miembros n'avientu. Garantiza la seguridá y el respetu de los derechos fundamentales al empar qu'impulsa l'anovación.

Va ser la primera del mundu en regular la intelixencia artificial, pero nun va entrar a valir hasta 2026.

Sobro esta noticia y l'equilibriu ente tecnoloxía y ética fixéronse ecu nel Congresu d'Inxeniería y Filosofía qu'empezó na Politécnica de Xixón. Inxenieros y filósofos comparten una esmolición: el mal usu na tecnoloxía. Por casu nes redes sociales, recuerden a Zuckerberg, l'home detrás de Facebook y Instagram, que pidió perdón a primeros d'añu a los familiares de menores que se quitaren la vida.