La Politécnica de Mieres inxerta una aplicación móvil pa meyorar la seguridá sanitaria
![Aplicación en la Politécnica de Mieres](https://www.rtpa.es/fotos//20/12/20201209135116_RTPA219847.jpg)
El sistema foi desendolcáu pola empresa asturiana ABAMobile
La Escuela Politécnica de Mieres inxertó una aplicación pa meyorar la seguridá sanitaria nes sos instalaciones. El sistema, desendolcáu pola empresa asturiana ABAMobile, básase nuna aplicación de baldre y online dafechu que la comunidá universitaria pue descargar nos sos dispositivos.
Al traviés d’ella, l’alumnáu o’l personal pue escaniar los códigos QR asitiaos diferentes espacios del centru.
Nel casu de que s’informe d’un positivu por Covid-19 ente los alumnos o’l personal, bastará con saber el so códigu internu y indicar una fecha, pa disponer darréu d’un informe de contactos d’esa persona y ocupaciones nes sales, optimizando, poro, tol procesu.
ABAMobile ye una empresa asturiana especializada nel desendolcu d’aplicaciones móviles y procesos de dixitalización al traviés de ferramientes móviles.