La farmacéutica Sanofi estudia proyectos de cuatro empreses asturianes

Borja Sánchez destaca la calidá de la investigación y anovación que se desendolca n'Asturies

Cuatro empreses anovadores asturianes del sector biomédicu presentaron güei proyectos y propuestes de trabayu a la farmacéutica Sanofi col envís d’abordar futures collaboraciones y estudiar sinerxes.

L’alcuentru, nel que participó’l conseyeru de Ciencia, Anovación y Universidá, Borja Sánchez, forma parte de les iniciatives del Centru Européu d’Empreses y Anovación (CEEI).

Up Intelligence, Inmersive Oasis, Neurostech y StartQuake son les cuatro empreses emerxentes que participaron nesta xunta, inxerta nel programa BioCEEI.

El conseyeru destacó la calidá de la investigación y anovación que se desendolca n’Asturies nel ámbitu biosanitariu, tanto de grupos científicos como d’empreses emerxentes.