La realidá virtual aplicada a la industria, primer puestu nos Premios Ebic Universidá

Estos premios potencien les idees tecnolóxiques más anovadores de los trabayos de Grau y Máster

La realidá virtual aplicada a la industria gana’l primer puestu de los Premios Ebic Universidá. Dexa supervisar plantes solares de forma interactiva.

Esta plataforma medró hasta convertise nun sistema que la multinacional TSK ta espardiendo a la so forma d’operar. Evita desplazamientos, aforra costos y forma operarios al traviés d’una simulación. Un trabayu col que’l so creador algamó un trabayu estable na compañía asturiana.

El segundu premiu llevólu un proyectu destináu al ámbitu de la salú cardiovascular. Ye un sistema d’intelixencia artificial qu’analiza les arritmies detectaes polos marcapasos. Fai un mapa que valdrá a los médicos pal siguimientu y diagnósticu tempranu de los sos pacientes.

La pandemia pospunxo hasta güei la entrega de la cuarta edición d’estos Premios Ebic Universidá. Unos premios frutu de la collaboración ente la Universidá d’Uviéu y la consultora Inetum que tienen la intención de potenciar les idees tecnolóxiques más anovadores de los trabayos de Grau y Máster.​