La vacuna intranasal española escontra la COVID-19 nun va tar llista enantes de 2025

Luis Enjuanes adelanta que'l próximu iviernu va desdexase'l pinchazu

Ye una carrera y nun lo escuende. Consiguir la meyor vacuna escontra'l coronavirus, meta de munchos llaboratorios del mundu, ente ellos el suyu. Luis Enjuanes dirixe un equipu de quince persones nel CSIC enfotáu en llevar al mercáu la primer profilaxis intranasal frente a la COVID-19. Pfizer y Moderna tamién compiten.

"Ye más potente, nun lleva un antíxenu sinón más de cinco, más potente...más complexa y más cara, pero nun hai dulda de la calidá. Agora hai que ver l'atractivu que tenga pa les multinacionales", asegura'l responsable del llaboratoriu de coronavirus del Centru Nacional de Biotecnoloxía.

Esta profilaxis nun va llegar enantes de 2025, y entá ta en fase preclínica n'ensayos con mures y macacos, con bonos resultaos.

Tamién investiga sobre'l gripe y anuncia que'l próximu iviernu va desdexase'l pinchazu, de la vía intramuscular pola so baxa eficacia en mayores de 65 años.

Esta tarde n'Uviéu va falar sobre coronavirus nuna xornada de la Real Academia de Medicina d'Asturies.