Los bonitos viaxen a zones bien alloñaes del Atlánticu pa pasar l'iviernu enantes de tornar pel branu

Rexistrada per primer vegada la ruta migratoria d'un bonitu xuvenil nel iviernu en dos años consecutivos

Per primer vegada quedó rexistrada la ruta migratoria d'un bonitu xuvenil nel iviernu en dos años consecutivos. El Centru Tecnolóxicu AZTI, con sede nel País Vascu, algamólo al traviés del usu de marques electróniques que dexen midir variables como la fondura a la que se somorguia'l pexe, la temperatura del agua y del atún, y la intensidá de la lluz.

Va unos meses, un pesqueru francés garró un bonitu marcáu. Agora sábese que cuando abandona'l Cantábricu y el Golfu de Bizkaia va a zones atlántiques bien alloñaes al oeste, al sur de Terranova.

Ellí habita a grandes fondures y péscase con artes de palangre. Cuando torna al Cantábricu distribúyese cerca de la superficie, onde se garra con artes de cebu vivu, cacea y arrastre peláxicu.