Fuente: RTPA, 9 de setiembre. 2023 20:14

Nueva etapa pa la primer catedrática de Salú Pública de la Universidá d'Uviéu

Nueva etapa para la primera catedrática de Salud Pública de la Universidad de Oviedo

Adonina Tardón va dar clases nel máster del IUOPA y va siguir investigando

Empieza'l cursu na Universidá d'Uviéu y, pa la epidemióloga Adonina Tardón, va ser la primer vegada en 35 años que nun imparta clases ellí. Ella ye una de los cuatro profesores eméritos nomaos anguaño.

Va dar clases nel máster del IUOPA, l'Institutu Universitariu d'Oncoloxía y va siguir investigando, nun momentu, asegura, bien importante pa la Salú Pública.

Primer y única, pel momentu, catedrática de Medicina Preventiva y Salú Pública de la Universidá d'Uviéu, onde llegó animada pol profesor Antonio Cueto. Agora ye'l momentu, señala Adonina Tardón, de la epidemioloxía de precisión.

Ye la investigadora principal n'España d'un proyectu européu pa prevenir el cáncer d'estómagu. El postreru de munchos trabayos, nacionales y internaciones n'epidemioloxía del cáncer de pulmón, colon o mama; o del efectu de la contaminación ambiental na salú infantil.

La COVID-19, señala, reveló la importancia de la educación sanitaria.

Intentar consiguir un avieyamientu saludable, ensin pastielles, afita Adonina Tardón, ye'l retu agora de la Salú Pública.