Premiu al trabayu en defensa del patrimoniu industrial

Una plataforma dixital multillingüe, qu'esparde'l patrimoniu asturianu, galardonada col premiu Hispania Nostra

Localizar el nuestru patrimoniu, minería, tresportes, industries, archivos, arte y cultura y facelos en castellanu, asturianu y inglés, ye posible gracies a la web www.patrimoniuindustrial.com.

Un dominiu web onde poder escuchar y deprender tamién de la memoria oral con personaxes venceyaos a cada estaya colos que se puen conocer glosarios como por exemplu los venceyaos a la mina y facelo amás gracies a los sos propios protagonistes. Saber el significáu d’espresiones como tresillón, réter o dar tira.

Retratos d’una herencia al nuestru algame con un click qu’algamó la escelencia col premiu Hispania Nostra, el más vieyu del país nel espardimientu del patrimoniu. La placa conmemorativa del premiu yá ta nel Muséu del Ferrocarril, collaborador d’esti proyectu.

Per primera vegada na historia d’esti premiu, la institución dalu a un proyectu venceyáu al patrimoniu industrial siendo amás el primer trabayu nacional n’espardimientu web.