Sariegu impulsa la formación en competencies dixitales al traviés del so campus tecnolóxicu

Trabáyase la robótica, programación, impresión 3D y desenvolvimientu de videoxuegos

Sariegu sigue impulsando la formación en competencies dixitales al traviés del so campus tecnolóxicu. Cuatro talleres igüen el campus tecnolóxicu de Sariegu nel que se trabaya la robótica, programación, impresión 3D y desenvolvimientu de videoxuegos.

En total 40 hores de formación empobinaes principalmente a mozos de 12 a 16 años, pero nun s'escaecen tampoco de la formación pa xente mayor.

Una xornada práctica y prestosa na que la creatividá foi protagonista.

Estos cuatro talleres formen parte d'un proyectu mayor compuestu por once, que se van estremar ente esti y el próximu añu, gracies a una subvención rexonal de 15.000 euros pa formación en competencies tecnolóxiques.