Webcams
Buscar
Al traviés de la impresión 3D fabriquen cualquier tipu de prótesis adaptaes a les necesidaes de cada pequeñu
Que tolos neños y neñes puean facer realidá los sos suaños ye l’oxetivu del proyectu Superhéroes, un taller de la Universidá d’Uviéu nel qu’al traviés de la impresión 3D fabriquen cualquier tipu de prótesis adaptaes a les necesidaes de cada pequeñu.
Dende un accesoriu pa garrar un cubiertu, a una púa pa tocar una guitarra. Con siete impresores 3D y sobraos d’ilusión, nesti taller trabayen con esi oxetivu.
L’equipu de trabayu fórmenlu 15 alumnos de la Universidá d’Uviéu, los más inxenieros, pero tamién hai voluntarios d’otres rames, porque equí lo importante ye ayudar.
Hores de trabayu y esfuerzu qu’aseguren tán más que recompensaes col cariñu de les once families coles que trabayen.
