Telecable va invertir 100 millones n'Asturies pa meyorar la so rede de fibra y móvil

La operadora valora la fusión en marcha del so grupu con Orange y destaca una meyora de les sos cifres económiques

El director de Telecable y MasMovil n'Asturies, Juan Acuña, avanzó esti vienres que la empresa va invertir n'Asturies 100 millones d'euros ente esti añu y el que vien, principalmente pa la modernización de les redes de fibra y móvil.

Nun alcuentru colos medios, Acuña afirmó que la empresa consolidó "el so lideralgu n'Asturies" y resaltó que la sociedá executó nel últimu añu una inversión de 35 millones a la renovación de la rede de fibra.

Acuña punxo en valir la puesta en funcionamientu, dende va tres meses, d'un nuevu serviciu pa complementar la so rede de fibra llamada Combi Yes, pa dar serviciu a llares dispersos d'Asturies a los qu'inda nun llega la fibra.

Esplicó, nesti sen, que 17.000 nuevos llares en 47 conceyos que nun podíen hasta la fecha tener accesu a la fibra óptica pola orografía van poder tener internet d'alta velocidá.

A zarru de xunu de 2023 la empresa supera les 300.000 llinies na rexón, ente banda ancha y móviles pospagu, y les marques del grupu Másmovil atropen n'Asturies más de 153.000 servicios de banda ancha y 348.000 llinies de móvil pospagu.