Un llaboratoriu pa fabricar piel y mucosa de baxu costu
![Un laboratorio para fabricar piel y mucosas de bajo coste](https://www.rtpa.es/fotos//24/02/20240205143039_RTPA4561811.jpg)
La última esperanza pa munchos pacientes
Un llaboratoriu pa fabricar piel y mucosa como'l d'una gran farmacéutica pero de baxu costu. Yá ta instaláu nel Institutu d'Investigación Sanitaria del Principáu. Llograron amenorgar 10 vegaes el preciu de fabricación de texíos que son la última esperanza pa munchos pacientes.
Nuna redolada dafechu esterilizada preparen les célules coles que van ayudar a crecer los cultivos de piel. Nun hai contactu físicu, en nengún momentu, ente los investigadores y los productos que remanen. La instalación cumple dafechu la esixente normativa europea pero a un costu asumible.
Un preciu razonable pa la sanidá pública al que llegaron diseñando en collaboración cola industria asturiana esta instalación, más cenciella y con menor gastu en caltenimientu que la d'una gran farmacéutica. Llogralo garantiza la fabricación de texíos pa pacientes que nun tienen otra salida.
Fabriquen piel artificial, mucosa oral y nun añu esperen producir tamién mucosa vaxinal. Y pa obrar el milagru basta con un centímetru cuadráu de texíu del propiu paciente. Con ello, son capaces de fabricar la superficie equivalente al torsu d'una persona.