Un proyectu de la memoria cultural d’Asturies recibe un premiu internacional

Ta basáu n’entrevistes con artistes y creadores asturianos de delles materies sociales

El proyectu audiovisual "Memories culturales d’un pasáu industrial", dirixíu polos investigadores de la Universidá d’Uviéu Irene Díaz y Rubén Vega, recibió’l premiu "Studs Terkel Award", que da añalmente la Working-Class Studies Association de Los Estaos Xuníos.

Según informó la institución académica, la cinta premiada inxértase nun proyectu d’I+D+i de la Universidá y ta venceyáu al Archivu de Fontes Orales pa la Historia Social d’Asturies.

El proyectu tien una duración de 49 minutos y ta basáu n’entrevistes con artistes y creadores culturales d’Asturies que reflexonen al rodiu de cómo’l trabayu, la industria, la mina y los sos legaos constitúin motivos d’inspiración o temes de les sos obres.