Un robó dexará duplicar les pruebes PCR feches nel HUCA

El Llaboratoriu de Viroloxía del HUCA analiza 2.200 muestres al día

El Llaboratoriu de Viroloxía del Hospital Universitariu Central d’Asturies (HUCA), recibió una donación d’un robó covid del Bancu Santander que dexará "duplicar" el númberu de PCR que faen n’Asturies, onde s’analicen una media de 2.200 al día.

Esti aparatu, al que s’amiesten 178.000 test rápidos, dexará medrar l’esfuerzu rastrexador de los epidemiólogos y preparase en casu de que la situación empeore.

La clave sigue centrándose nuna vixilancia estrecha, la detección premarura y l’aisllamientu darréu de tolos casos. Un equipu de 200 profesionales son los encargaos de xestionar estes xeres pero nun se descarta la so ampliación.

Esti esfuerzu rastrexador ye lo que ta dexando mayor rapidez a la hora de controlar los brotes, según señaló’l conseyeru de Salú, Pablo Fernández.

L’oxetivu d’estes incorporaciones ye preparase énte un posible empeoramientu de la situación epidemiolóxica.