Un total de 28 muyeres participen nel cursu de pilotaxe de drones pa muyeres rurales

L'oxetivu de la formación ye amenorgar la fendidura dixital nel mundu rural femenín

Un total de 28 muyeres participen dende güei nel cursu de pilotaxe de drones pa muyeres rurales. Ye una formación online, qu’entama la Federación d’Asociación de Muyeres Rurales.

L’oxetivu ye amenorgar la fendidura dixital nel mundu rural femenín y algamar ventayes con estos ardiluxos como’l control del ganáu mediante cámares térmiques.

En total n’España hai 250 muyeres pilotos de drones y esti añu esperen llegar a les 500. El cursu durará ente 50 y 90 hores dependiendo de la especialidá y habrá práctiques presenciales.