Una audioguía y un escape room peles cais de Xixón per WhatsApp
![Una audioguía y un escape room por las calles de Gijón a través de WhatsApp](https://www.rtpa.es/fotos//21/10/20211004123304_RTPA1280276.jpg)
'Chatín' ye un proyectu pa promocionar el patrimoniu cultural y artísticu de les ciudaes al traviés del xuegu
Entrar en 'Chatín' ye mui fácil. De baldre y unviando un saludu a un númberu de WhatsApp da dos opciones. La primera ye un escape room qu’entama en La Plaza Mayor de Xixón. El primer pasu ye sacar una semeya al Ayuntamientu.
La segunda opción ye una audioguía. Unviando una localización, 'Chatín' llévate al puntu más cerca de la ruta. Al traviés d’audios y memes vamos conociendo la historia de dalgunos de los edificios y de los personaxes más emblemáticos de la historia de Xixón.
La idea ye que 'Chatín' amplíe horizontes.
Enagora, 'Chatín' ye un proyectu pilotu qu’acaba’l 31 d’esti mes, pero los sos impulsores yá piensen afitase en Xixón y espardise a otres ciudaes.