Xornada p’actualizar los protocolos diagnósticos y terapéuticos de malformación de Chiari

Calcúlase qu’anguaño padécenla unes 6.000 persones

L’Asociación Chiari y Siringomielia del Principáu d’Asturies, ChySPA, organiza güei una xornada sobre la malformación de Chiari, una de les llamaes Enfermedaes Rares. Calcúlase qu’anguaño padécenla unes 6.000 persones, anque, los especialistes creen qu’esti númberu podría xubir con diagnósticos afayadizos.

L’oxetivu de la xornada ye actualizar los protocolos diagnósticos y terapéuticos a los pacientes afectaos pola malformación.

Tanto l’asociación como los profesionales, señalen que los retos d’anguaño empobínense a algamar un manexu dafechu y multidisciplinar de los enfermos. Poro, ye fundamental el sofitu pa siguir investigando.

El Chiari y la Siringomelia son enfermedaes conxénites, progresives y invalidantes que producen dolor intensu, perda de sensibilidá, ataxa o paraplexa.