Esti branu ye un 5% más caru que l'anterior dir de vacaciones

Los turistes opten por estancies más curties y más económiques

Si en xunu disparáronse los precios de los paquetes y vuelos pa viaxar per España, la xubida siguió en xunetu. Baxa’l preciu del carburante pero xube’l de los agospios y restauranes. Nesti escenariu, munchos prefieren tar menos díes de vacaciones en llugar de renunciar a esos díes de descansu.

A la hora de decidir destín, pa munchos los precios en destín son determinantes. Asumen qu’a la hora de facer el presupuestu, a los gastos d’agospiu hai que sumar munchos otros. Y que la inflación tamién se nota ehí.

Tamién hai munches persones que, a la vista de la xubida de precios, esti branu nun se plantegaron nin siquiera dir de vacaciones.

A pesar de que, según l’INE, los precios venceyaos al turismu xubieron un 10% esti añu, el sector sigue marcando niveles récor. Según el Conseyu Mundial de Viaxes y Turismu, en 2024 el turismu representará’l 15% del PIB.