La pataca duplica'l so preciu

Págase más a los productores, 58 céntimos el kilo, pero na tienda'l so preciu triplícase

A pesar de los datos, nun s’esmoleza. Ún de los principales proveedores de pataca de la fastera cantábrica ta en Cangas del Narcea. Y asegura que los precios yá entamaron a baxar señala José Gómez Martínez, xerente d’Almacenes El Majo.

El preciu siempres xube cuando entra la pataca nueva. Pero esti añu, por mor d’una peor collecha de la más temprana, el preciu llegó a asitiase un 111% penriba del promediu nos primeros díes d’agostu.

Una xubida qu’unos notaron más qu’otros. Quiciabes por un escenariu xeneralizáu d’inflación dende va meses.

De xineru a abril la mayor parte de la pataca que se consume n’Asturies vien de Francia. Dende la primavera entama a llegar producción de Cartagena, Sevilla, y de la zona centru d’España.