La industria asturiana meyora les sos previsiones de producción y espera caltener el trabayu

El 26% de les industries cree que la so cartera de pidíos va medrar nos meses vinientes

La industria asturiana meyoró les sos previsiones de producción y de pidíos pa los meses vinientes, al empar que confía en caltener los actuales niveles de trabayu, según la última encuesta mensual fecha pola Sociedá Asturiana d’Estudios Económicos y Industriales (Sadei), correspondiente a xunetu.

Una de cada cuatro empreses, el 25 por cientu, espera medrar la so producción, mientres que’l 74 por cientu piensa caltenela y namás el 1 por cientu menguala.

Estos datos suponen una meyora al respective del anterior sondéu, cuando’l 99 por cientu de les empreses confiaba en caltener l’actividá y namás el 1 por cientu, medrala.