Les empreses qu'empresten dineru van tener que tener autorización previa

El Gobiernu saca a consulta pública'l plan pa frenar los creitos abusivos

Los consumidores tiénenlo claro. Los préstamos rápidos y tarxetes de pagu aplazáu tienen que tar regulaos cuanto enantes y cumplir como les demás entidaes de creitu. Pero la UCE inclusive va más allá. Nun se debería de dexar que la llende de la usura tuviera nel 26% d'interés asegura Dacio Alonso, presidente de la UCE.

5.000 families asturianes tienen tarxetes revolving y nos postreros 5 años la UCE llogró que los tribunales devuelvan más de 3 millones y mediu a families a les que se-yos reconoció usura o desinformación nel so préstamu. Lo avezao, reconocen dende'l Colexu d'Abogaos d'Uviéu, ye que se dea la razón al consumidor señala Beatriz Fernández-Pello Montes.

Por parte de l'Asociación d'Establecimientos Financieros creen que la regulación llega tarde y nunca podría llegar a dase que s'emprestara dineru fuera de control apunta Fernando Casero, presidente de l'Asociación Nacional d'Establecimientos Financieros de Creitu. Y denuncien la desigualdá na competencia con unes entidaes que se salten toles normes.