L'IPC modérase n'Asturies al 1,8% en setiembre, anque los alimentos xuben al 3,3%

Nel total del país, l'IPC frenóse en setiembre al 1,5% interañal

L’índiz de precios de consumu (IPC) moderó la so xubida interañal en setiembre n’Asturies en seis décimes, al pasar del 2,4 al 1,8 por cientu, anque’l grupu d’alimentos medró del 2,8 al 3,3 por cientu, según los datos asoleyaos esti martes pol Institutu Nacional d’Estadística (INE).

L’IPC encadenó nel Principáu tres meses de mengües, dempués de que baxare otres seis décimes en xunetu y cinco n’agostu.

En tasa mensual los precios baxaron n’Asturies en setiembre un 0,8 por cientu, mientres que nel acumuláu de los nueve primeros meses del añu xuben un 1,7 por cientu.

Nel total del país, l’IPC frenóse en setiembre al 1,5 por cientu interañal, ocho décimes menos que’l mes anterior, pol abaratamientu del carburante y llubricante, mientres que la inflación de los alimentos recortóse siete décimes, hasta’l 1,8 por cientu, la tasa más baxa dende setiembre de 2021.