La compra de vivienda por estranxeros xube n'Asturies un 14,8% nel primer semestre

Los británicos lideren la compra de vivienda siguíos de marroquinos y alemanes

Un total de 758 viviendes fueron compraes n’Asturies por ciudadanos estranxeros nel primer semestre, lo que supón una medría interañal del 14,8% al respective del mesmu periodu del añu pasáu, según los datos asoleyaos esti miércoles pol Conseyu Xeneral del Notariáu.

Estes operaciones inmobiliaries zarráronse a un preciu mediu de 1.088 euros per metru cuadráu, un 0,5% penriba del primer semestre del exerciciu pasáu.

Nel total del país, la compra de vivienda n’España por estranxeros remontó un 1,8% interañal na primer metá del añu, colo que dexa atrás dos semestres de cayíes, y representó más del 20% del total d’esti tipu d’operaciones, nes que británicos, marroquinos y alemanes fueron claros protagonistes.