Hoteles y restauranes enllenos n'Uviéu polos Premios Princesa

El comerciu busca estimular les ventes con campañes qu'homenaxen a los galardonaos

La ocupación n’hoteles y restauranes d’Uviéu pa los Premios Princesa rozarán l’enllén esta selmana. Pal xueves y el vienres, dalgunos establecimientos yá tán completos gracies a les reserves d’invitaos o periodistes que vienen a cubrir la ceremonia.

Otru sector que nota’impactu de los premios ye’l comercial, que busca estimular les ventes con campañes qu’homenaxen a dalgunos de los galardonaos.

Uviéu suena yá a Premios Princesa d’Asturies. Dícenlo los escaparates de cuasi un centenar de negocios, decoraos esta selmana pa homenaxar a ún de los premiaos más conocíos, Joan Manuel Serrat. El comercial ye ún de los sectores que más nota l’impactu de la cita.

La ocupación na ciudá rondará estos díes el cien por cien. Dalgunos hoteles colgaron yá’l cartelu de completu pa xueves y vienres, esplica, Gloria María Peña, xefa de recepción del AC Hotel Fórum; y Ariane Montals, directora del Hotel Barceló.

Onde tamién sedrá difícil alcontrar mesa en munchos restauranes, sobre manera, de la contornada del Hotel Reconquista.

Impactu económicu y d’imaxe pa Uviéu nunos Premios Princesa que cada añu suponen, según cálculos de la Fundación, un retornu d’unos cinco millones d’euros p’Asturies.