Dir pa la cama ensin sueñu dempués del cambéu horariu

Les tecnoloxíes faciliten camudar la hora de los relós

Les tecnoloxíes tamién faciliten xeres como camudar d’hora los nuestros relós. Anque avezase al cambéu horariu ye daqué más difícil pa nosotros. A munchos sentó-yos bien poder dormir una hora más, pero’l problema llegará, dicen, a la hora de dir pa la cama ensin munchu sueñu.

De xuru qu’a munchos güei costó-yos menos llevantase. Podemos intentar engañanos a nós mesmos, pero non a les nuestres barrigues que yá dende primer hora reclamaben l’almuerzu.

Y anque a les 11:00, dalgunos relós siguieren marcando les 12:00, hai que dar gracies a la tecnoloxía por quitar esa xera de camudar ún a ún tolos relós.

El problema llegará esta nueche, sobre manera colos más pequeños.

Y como nunca nun llueve al gustu de toos, tocará volver a poner en hora los nuestros vezos.