Comercios de Xixón, Llangréu y Carreño participen nuna campaña de promoción del productu local

Los veceros van poder participar nel sortéu de dos cestes con productos gourmet

La Cámara de Comerciu de Xixón y la Unión de Comerciantes del Principáu d'Asturies entamen dende güei y hasta mediaos de payares una campaña de promoción de los comercios d'alimentación de proximidá qu'ufierten productos de calidá asturianos.

Na campaña participen 40 comercios, na so mayoría de Xixón, 4 de Llangréu y otru de Carreño.

Coles mires de dar a conocer esos productos y de fidelizar la so compra, va llevase alantre una intensa campaña publicitaria tamién al traviés de redes sociales.

Los veceros van poder participar nel sortéu de dos cestes con productos gourmet.