Somió y el centru d'Uviéu, les zones d'Asturies cola renta más alta según l'INE

Asturies ye la quinta comunidá en renta añal media por habitante, con 14.842 euros

Asturies ye la quinta comunidá autónoma en renta añal media por habitante, con 14.842 euros en 2022, namás per detrás del País Vascu (17.461 €), Madrid (17.131 €), Navarra (15.681 €) y Cataluña, según l'Atles de distribución de renta de los llares que fixo públicu esti martes l'Institutu Nacional d'Estadística.

La renta media por llar, sicasí, asitióse en 33.242 euros, la décima más alta del país nuna clasificación que lideren Madrid (45.726), País Vascu (41.256) y Navarra (40.760).

Gipuzkoa lideró la llista por provincies d'ingresos añales, con 18.325 euros de renta neta añal media por habitante en 2022. Per detrás asitiáronse Bizkaia (17.225) y Madrid (17.131). D’otra manera, les provincies con menos ingresos añales por habitante fueron Almería (con 10.605 euros), Jaén (11.074) y Badajoz (11.158).