El café xubió un 20% nos tres últimos meses

Les razones pasen pola pérdida de colleches y la especulación bursátil

El café ye la tercer bébora más consumío nel mundu. El preciu del granu encarecióse cerca d’un 60% añal y un 20% dende setiembre.

La seca en Brasil y les inundaciones en Vietnam acabaron con un terciu de les colleches nos dos principales países productores de café. Los fenómenos meteorolóxicos son tan estremos, que nun hai perspectiva de que les colleches seyan meyores l’añu qu’entra.

Namás n’Europa consúmese un terciu de la producción mundial, más de tres millones de tonelaes. Amás, el café cotiza nos mercaos de Londres y Nueva York, polo que ta espuesto a la especulación de fondos d’inversión.

Juan Díaz, presidente de l’Asociación d’Empresarios Tostadores de Café d’Asturies, esplica que, en casa o nel bar, n’España consúmense 66 millones de taces caldía. N’Asturies hai seis empreses torrefactores que comercialicen a nivel nacional y internacional que nun se llibren d’esta crisis de precios.