Los coches de segunda mano abarátense n'Asturies un 4% interañal n'ochobre

Asturies ye una de les cuatro comunidaes onde baxen los precios

El preciu interañal de los turismos de segunda mano cayó n’Asturies un 4% n’ochobre de 2024 al respective del mesmu mes del añu pasáu, hasta un preciu mediu de 11.403 euros, según los datos asoleyaos esti llunes pola Asociación Nacional de Comerciantes de Vehículos (Ancove).

Asturies ye una de les cuatro comunidaes autónomes onde’l preciu de los vehículos de segunda mano baxó al respective del añu pasáu, xunto a Cataluña, Cantabria y La Rioja.

El precio mediu n’España xubió un 1,5 por cientu en términos añales hasta asitiase nos 12.954 euros, informó Ancove.

En comparación col mes anterior, los turismos d’ocasión baxaron un 1,1 por cientu nel Principáu, mientres que nel total d’España xubieron un 1,7 por cientu.