La firma d'hipoteques pa la compra de vivienda xube n'Asturies un 32,5% en setiembre

Asturies rexistró en setiembre la firma de 595 hipoteques pa la compra de vivienda

Asturies rexistró en setiembre la firma de 595 hipoteques pa la compra de vivienda, lo que supón un aumentu del 32,5 por cientu respecto al mesmu mes del añu pasáu, según los datos espublizaos esti xueves pol Institutu Nacional d'Estadística (INE).

L'importe pa la constitución d'estes hipoteques xubió a 66 millones d'euros, un 34,7 por cientu más en tasa interañal.

En relación a agostu, el númberu d'hipoteques pa la compra de vivienda medró n'Asturies un 1,9 por cientu, mientres que l'importe fízolo un 9,9 por cientu.