Les pensiones van xubir un 2,8% en 2025

Elma Saiz defende que la xuba de la pensión ye "xusticia social"

Les pensiones contributives van xubir previsiblemente un 2,8 % en 2025, una vegada adelantáu'l datu d'inflación de payares (2,4%), que dexa avanzar el cálculu de la revalorización pal añu que vien.

El 2,8% ye la xuba que se va aplicar de forma xeneral a les pensiones contributives, mientres que les mínimes y non contributives van tener que medrar percima d'esa cifra, como se recoyó nel últimu bloque de la reforma de les pensiones.

Según datos del Ministeriu d'Inclusión, la revalorización va suponer qu'un pensionista que reciba una pensión de 1.441 al mes (la pensión media de xubilación) va pasar a recibir 1.481 euros mensuales en 2025, lo que supón una medría añal de 565 euros o de 41 euros mensuales.