Domingu de comercios abiertos nel entamu de la campaña de Navidá

Los comercios asturianos esperen una campaña navidiega con un bon volume de ventes

Mañana tranquila de compres en dalgunos centros comerciales asturianos, nesti primer domingu d’apertura comercial.

Poca afluencia de veceros y veceres qu’aprovecharon la xornada pa facer dalgunes compres en Parque Principáu. Esti ye’l primeru de los tres domingos d’apertura programaos p’avientu por mor de los encargos navidiegos.

Los comercios asturianos esperen zarrar la campaña navidiega con un bon volume de ventes

Los comercios asturianos esperen zarrar la campaña navidiega con un bon volume de ventes. Anque l’abanicu de productos ye grande, nes primeres selmanes lo que más se vende son los productos d’alimentación.

Munches persones aprovecháronse’l programa Bonu Comerciu Asturies p’adelantar les compres navidiegues, destaca Carmen Moreno, xerente de la Xunión de Comerciantes del Principáu d’Asturies. Otres, esperarán unos díes. Anque güei, día 1, el comerciu pue abrir, esperen más ventes pal domingu 22 o pal 5 de xineru viniente.

Carmen Moreno reconoz que tanto’l pequeñu como’l medianu comerciu lleven años faciendo importantes esfuerzos pa nun repercutir la medría de la inflación nel preciu de los sos productos y servicios.