El sector metal asturianu, el más sensible a los aranceles anunciaos por Trump

Estaos Xuníos ye unu de los principales destinos de les esportaciones asturianes

Estaos Xuníos ye unu de los principales destinos de les esportaciones asturianes y el país al que más mercamos l'añu pasáu. Una balanza comercial que podría alteriase si la medría d'aranceles anunciada por Donald Trump se lleva alantre cuando asuma'l cargu. El sector metal asturianu ye'l más sensible.

Más impuestos al cruciar la llende significa productos más caros pa los consumidores. La guerra arancelaria toca, tarde o aína, al bolsu.

A la espera de cómo van ser eses relaciones comerciales, el sector más sensible ye'l del metal. Les manufactures de fierro y la maquinaria son los productos asturianos que más se vendieron a Estaos Xuníos.

A pesar de la incertidume, España nun sedría'l país más perxudicáu pola imposición de nuevos aranceles, nin Asturies la comunidá más afectada. Lo qu'esmolez ye l'impactu indirectu sobre la economía.

Les esportaciones asturianes xubieron a 241 millones d'euros en 2023.Una cifra que se caltién estable nos últimos años. Les importaciones, sicasí, nun dexen de crecer y superaron los 570 millones d'euros.

Por ciertu, qu'a Estaos Xuníos tamién vendemos sidra, anque en pequeña cantidá. Tola partida de productos agroalimentarios supón menos del 4% del total de les esportaciones asturianes a aquel país.