Los nuevos convenios colectivos tendríen que tener en cuenta la regulación de la Intelixencia Artificial

La esperta Estela Martín recomienda incluyir la IA nel conveniu pa reforzar la formación

Los nuevos convenios colectivos tendríen que tener en cuenta la regulación de la Intelixencia Artificial, tanto pa evitar que se presenten como propios trabayos fechos por IA como pa dedicar partíes a la formación. Ye la recomendación de l'abogada esperta llaboralista Estela Martín, que vino a Asturies convidada pola Facultá d'Economía de la Universidá d'Uviéu.

Cola xeneralización de la Intelixencia artificial, el trabayu creativu de los trabayadores podría nun ser orixinal.

La IA ta usándose tamién pa selección de personal, pero hai qu'asegurase de que nun discrimine candidatos.

Poro, la esperta n'IA y rellaciones llaborales recomienda inxertala y regulala nos convenios de cada empresa.

Tamién recomienda inxertala nel conveniu pa reforzar la formación, porque hai qu'aprovechar les sos utilidaes, dixo convidada pola Facultá d'Economía, como ayudanos a ser más competitivos pa, si llega, adaptase a la xornada de 37 hores y media.