Trabayu y sindicatos roblen l'alcuerdu p'amenorgar la xornada llaboral a 37,5 hores selmanales

L'oxetivu ye siguir avanzando hacia les 32 hores selmanales y cuatro díes de xornada llaboral

El Gobiernu y los sindicatos UXT y Comisiones Obreres roblaron l’alcuerdu p’amenorgar la xornada llaboral a 37,5 hores selmanales ensin rebaxar los salarios.

La midida, que tien agora que ser aprobada nel Congresu, tendrá qu’entrar en vigor enantes del 31 d’avientu de 2025. Dempués de cuasi un añu de conversaciones, güei roblaron ensin la patronal.

Nos últimos díes, hubo amás desalcuentros ente la parte socialista del Gobiernu y la de Sumar.

La reforma beneficiará a unos 12 millones de trabayadores.

L’oxetivu de los sindicatos ye siguir avanzando hacia les 32 hores selmanales y hacia los cuatro díes de xornada llaboral.