Siero pide al Principáu una mayor implicación económica nel Mercáu Nacional de Ganáu

El Mercáu Nacional de Ganáu de La Pola (Siero) zarró 2024 con 95.060 tratos

El Mercáu Nacional de Ganáu de La Pola (Siero) zarró 2024 con 95.060 transacciones, 500 menos que l’añu anterior. Una mengua por mor de la incidencia de la enfermedá hemorráxica epizoótica.

Con un gastu añal en mantenimientu superior a los 400.000 euros y una dotación de 100.000 euros de les arques municipales, l’alcalde de Siero, Ángel García, pide al Principáu mayor apurrimientu económicu.

L’añu pasáu l’importe total de les operaciones superó los 50 millones d’euros. Compraventes, sobre manera, de ganáu vacunu y d’equín, con ganaderos d’Asturies y d’otres comunidaes. Nos últimos tiempos, vese un cambéu de tendencia na actividá del mercáu.

Inversiones y, tamién, retos a futuru. Ún d’ellos, apunten dende’l consistoriu, abordar víes de tratos telemáticos.E